منتديات شباب حى المكى

منتديات شباب حى المكى

كل ما يجول فى الخاطر من جديد ومفيد نكات ىالصحف السودانية
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 مسجات حب سودانية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 196
نقاط : 347
تاريخ التسجيل : 02/03/2012
العمر : 41
الموقع : السودان

مُساهمةموضوع: مسجات حب سودانية   السبت مايو 19, 2012 11:48 am






يا سحابة زوري احبابنا الهناك ..
وقولي ليهم الرسائل ما بتكفي حتي لو كانت قصائد ...
والهواتف ما بتطمن حتي لو طال الكلام ...
البكفينا العيون تحضن عيونك....

**********
مرات احس انك براك ما زينا انت الملاك ونحن البشر..
صمتك اصيل حزنك نبيل زي الغناوي المرهفه زي الدعاش ...
ويا روعتك لمن تفيض بالطيبة زي موج البحر تغمر ضفافنا محبتك ....

**********

عيوني أنا ....




عيون ترحل تسافر ليك ..


عيون مسكونه بي زاتك..


بتتمناك وتفرح بيك ..


اشتقت ليك

اشتقت للحظة البتسرق عمري كلو تجيبو ليك

اشتقت للنجم البسافر في الخيال يرحل يجيك

اشتقت والشوق

مستحيل في دربو يتمرد عليك

**************************************************

ياغنوة في وترا حزين

ياضحكة في الزمن الصعب

يا واحة في عز الهجير

يا راحة من بعد التعب

يانسمة هبت في الدغيش

عزفت علي وترا صعب

يا رحمة من رب العباد

مكبوبة فوق خلق الله كب.

______________________________

هناك اشخاص يعزفون على اوتار احساسنا الحانا رائعة ...

ويخلدون فينا ذكرى لاتمحى ....

نهفو الي رؤياهم ...

ويزدان الوجود بهم ...

لنا الفخر بمعرفتهم ...

فليحفظ الله الود بيننا ...

++++++++++++++++++++++++++++++++

اتخيل الزول يشتهيك ويخاف ...
ويهرب من لقاك يخاف عليك من شوقو ليك...
ما شوقو اكبر من هواك ...
ما ريدو ليك ما بتوصف ما روحو دائما مشتهاك ...
ما قلبو غيرك ما عرف وما مستعد يعرف بلاك...

*************

قالو أصلو الدنيا معبر ..
فيها جد ما بتلقى راحة...
إلا صاحب ليك يعزك...
يبقى عنوان الصراحة...
في غيابه الدنيا وحشة...
فاقدة لي انوار صباحة

**********************************



1- انت اعمق من احبك وارقى من كل المرافى وبرضي عاجز
لو ازيدك ديمة من عشقي الاضافي كل ما افكر في ريدك القى ريدي عليك خافي ما
بقول عشقتك ملكني والعيون فيها اعترافي
2- يا القلت انك ما تنسيت وعدم سؤالك ماخصام لو كنا في خاطرك صحيح كان تقول
حبة سلام يظهر عليك نسيت واهديت مشاعرك للغمام والمابيرجع با الوفا ما
اظنو يرجع با الكلام
3- حاولت اخدع نفسي واهجر حبي ليك حاولت امسك نفسي ما امشي واجيك ورحلت عنك
وعن ديارك وهدمت كل امالي فيك وبرضي ما اقدر اسيبك لما انساك بشتهيك
4- القدر مكتوب مسطر ديمة نافذ امرو فينا ابقى ما تقطع رسايلك وخلي مرسالك يجينا بيهو نطمن عليكم وتعرفوا الحال العلينا
5- ملامحك ملامح زول رقيق حساس بترتاح ليك كل الناس كلامو درر الماس كفاية اقول زول بكل الناس
6- لو الحياة بقت بلا امل ولو القلوب بقت من غير وجل ولو كتبوا على كرامتي الزلل انا مستحيل منك ازعل الانك واحد عسسسسسسسسسسل
7- يا سلام لو شفت حالي يو م تجيني رسالة منك انسي ظلم الدنيا كلو ولي
حروفك احكى عنك واحكى عن طيبة قليبك عن اصالتك وبرضو حنك بفرح جوانا ساكن
وين نلاقى اجمل منك
8- تحياتي كلام طفلين يلمو فوق الطين كلام عنوانو مشتاقين وضحكة زول عسل زيك لطيف وحنين
9- لما القلوب با الشوق تدق تتشابه للناس العزاز لما النفوس تفضل تشع با
الرهبة والامل الملاذ يتلاشى مقياس المسافة وتسقط اوراق الحراز
10- لما اطراك في الليالي وابدا اسرح في ملامحك دون ارادة اقيف عشانك وفي
الخيال با الايد اصافحك احكي ليك بعد المسافة وبي لهيب الشوق اصارحك ما انت
اصلك حاجة تانية وانا كيف اقدر ابارحك

مسجات سودانيه
أنا يامناي.. من غير أحس الشوق يشيلني يجيبني ليك..
وأسرح وأتوه في حضرتك.. أتملي في نظرت عينيك.. وأكتم كلام جواي كتير وأرجع
بدون ما أحكي ليك.. وألعن براي بعد اللقاء .. قلبي لبريدك وبشتهيك...


كلمات بحث : مسجات . رسايل . سودانيه


أفتش ذاتي في جواك وإنت قريب وما القاك .زفارشه رموشي لي لقيك وفارده ايدي
لي دنياك عشان لحظه القي رضاك انسي ضياعي بي رؤياك لأني فيك ما بنساك وكيف
أصبح وامسي بلاك ؟ كيف افرح بدون القاك ؟وكيف اسعد وانت هناك؟!!

...........................................

لما ترسل انت كلمه يحتشد جواي حضورك وعطرك الفواح يدفق من حروفك ولون بخورك وببقي ذي مخلص بفكر ارسل الافراح تزورك!


كلمات بحث : مسجات . رسايل . سودانيه


لو انساك
ينسي النور حباب عيني..ز وتنسي البسمة لون شفتي .. وتنسي العافية عودتها لي.
انت الفرحة في جواي وانت الضحة في عيني وانت العافيه البسها لي ..واقول يالله تحفظك لي

...........................................
لو فتشت في جواي تلقي الشوق بنادي عليك.. ونقول متين نتلم؟ ويموت الهم..وتلرجع لينا واماسي جميلة تجمعنا.

كلمات بحث : مسجات . رسايل . سودانيه


اجمل حروف بهديها ليك مزدانه في احلي القوافي....
شايلة فال الأمنيات ممزوجة بالفرح الخرافي .. انشاالله عمر كلو تسعد ولحظة من الآهه مافي...

...........................................


مراسيلك ترد الروح
وتجبر خاطر المجروح
عساني ما انجرح منك
ولامني تجيك جروح

كلمات بحث : مسجات . رسايل . سودانيه


دعاء البنات:
( اللهم أرزقني رجلا يعشقني .. مثل الكرة أشوته ويلحقني )

...........................................

بنت رسالة حب ياعمري تمطر في سما دنياك.تعطر قلبك الدافي تقول مستحيل انساك


كلمات بحث : مسجات . رسايل . سودانيه


انت السحر الذي يبهر العيون
والنوم الذي يغمض الجفون
ومعك فقط
احس بأني يمكن ان اكون او لا اكون

...........................................وحاتك نحن نبقي تمام يوم تطرانا في بالك قلوبنا تغني بي فرحه
لما يصلنا مرسالك نسأل كل يوم عنك نقول ياربي كيف حالك عليك الله طمنا بس قولينا اخبارك

...........................................

كيف اقول مشتاق وانا العلمت وصل الشوق سافر ليك
يطمنا ويشيل اخبار يزيل احزان يزيد اشجان وسكة طويله مدوده من خاطر الفرح
عنوان تحسسك انك انت معاي واصلي معاك ما فارقت دربك يوم ولاتعب السفر ترحال



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mnsor771.hooxs.com
 
مسجات حب سودانية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب حى المكى :: الفئة الأولى :: $$ قسم برامج عامة $$ :: قسم!!!!!!!!!!!الفوازير والنكات :: منتدى الحب والغرام-
انتقل الى: