نكــات رباطاب.. (ضحك للطيش)..

رباطابى قاعد يصلى فى الحرم بعد ماسلم الجنبو سودانى طلع سلم عليهو وقال ليهو حرما ياحاج..
الرباطابى عاين ليهو وقال ليهو حرما ومال دة ميدان جاكسون...

**************



رباطابي
قاعد في مطعم كلما حضر زبون يطلب حاجة صاحب المطعم عندو حلة واحدة يفتحها
ويغرف ويدى الزبون منها وتكرر المشهد عدة مرات ونفس الحلةعايز فول عايز
كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم
وقال:يااخونا حلتك دي فيها ادراج ولاشنو


************

رباطابي عنده فرن

جاهو واحد قال ليهو: داير عيش
الرباطابى قال ليهو: العيش لسة ماطلع
داك سالو: فى النار لسة
الرباطابى: لا فى الجنة..

************
رباطابي راكب القطر وجالس جنبو واحد شايقي

كل ماتجي محطة يقيف ويقول دي ما ابوحمد؟

قاصد محطة الرباطابي وعمك ماسائل فيهو

كرر الحكاية عدة مرات وبرضو عمك ماهببو ليهو

واخيرا جات محطة الرباطابي ولملم حاجاتو واستعد للنزول

فقال ليهو الشايقي: دي ابوحمد؟

قال ليهو: لا دي ابوظبي انزل اشتغل

************
قالوا رباطابي ولده أتفلق في راسه .. وكان الوقت ليل

ساقو وراح العيادة
الدكتور عاين ليه كده وقال ليه: كان تجي بدري شوية ياحاج ..

الرباطابي قال ليه:
بدري متين قبل مايتفلق .


************
قالوا واحد سافر لابوحمد

واول ما نزل من القطر لقى شافع رباطاب بيببع في ليمون
قام قال ليهو: يا ولد ليمونك ده فيهو موية

قام الشافع رد عليهو بسرعة:

نان قالولك ساقنو بالتيمم


************
قالوا واحدة من حريم الرباطاب كانت بتبيع زلابية وطعمية للركاب في محطة ابوحمد
بعدين الايام ديك شغلوا القطر الاكسبرس وكان ما بيقيف في اي محطة

المهم الحاجة دي القطر جا ماشي فيها بووووو وماباعت اي حاجة وقامت رجعت البيت

قام الراجل قال: ان شاء الله بعتي كويس الليلة

قامت ردت قالت ليهو:

بعت شنو الشئ ما جا ماشي فيني زي ترجمة الفلم الاجنبي



************
قالو فى واحد رباطابي راكب القطر و شايل ديك

واحد سالو: ماشي تبيعو

قالو: لا ماشي اغير نغمتو



************



مرة في واحد رباطابي جاء الخرطوم لزواج

وفي الغداء هو بحب اللحمة شديد

المهم مركز في الصواني وعايز يختار واحدة تكون فيها ضلعة كبيرة

المهم كل ماتطلع صينية يشوفها يلقاها رقبة البعدها برضو رقبة البعدها برضو رقبة

المهم حوالي عشرة صواني وبرضو رقبة

قال ليهم: ياجماعة انتو ضابحين زرافة ولا شنو




************

رباطابي جاء الخرطوم لحضور زواج

وكان متوقع في العشاء مالذ وطاب من الصواني الكبيرة زي مابيحصل في البلد

المهم وقت العشاء عمك جابو ليهو صحن ورق وحاجة باردة

وبعد ما اكل لمو منو صحانة الورق

فعلق علي ذلك قائلا:

العرس زي امتحان الشهادة جابو الورق ولمو الورق


************

قالوا رباطاب قاعدين يحفروا في قبر في المقابر ..

جاء واحد قال ليهم السلام عليكم قالوا ليه عليكم السلام ..

قال ليهم خير مالكم ....

قالوا ليه عندنا واحد مات ..

قال ليهم مات هنا ولا خبر ..

قالوا ليه خبر ..

قال ليهم سمح بتحفروا ليه ..

قالوا ليه: دايرين ندفن التلغراف .


************
قطار الوحدة كان قطر سريع بين الخرطوم وعطبرة

له راسين يصل عطبرة يقلب علي طول للخرطوم

الرباطابي شاف القطر قال ليهم:

دا شنو الزي شريط الكاسيت



************

حمار اتعود يحك راسو بشباك فصل في مدرسة..

الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟

رد عليهو تلميذ رباطابي:

والله ما بجي إلا في حصتك يا أستاذ.

********************




اما الموقف دة حصل جد جد والله لى ود عم صاحبنا.. وهو مرقدنو مستشفى وراقد جنبو واحد تعبان شديد
اهاا وصاحبنا شالتو نومة والزول الراقد
جنبو مات والناس جيو يشيلو فى الفاتحة وطبعا المكان ضيق والناس كتار وبقو
واقفين جنب سرير الميت واحدين جنب سرير قريب صاحبنا دة وبقولو.. الفاتحة
الفاتحة ربنا يرحمو..
اهاا قريب صاحبنا فتح عيونو قدر صحن البوش وهو مهجوووووم و وقف بى كرعينو فوق السرير وقعد يكورك:-
ــ هوووووووووو انا ما موتة الزول يعنى ماينوم ولا شنو...

والله لى الليلة سامنو المرحوم..
خخخخخخخخخخخخخخخخخخخخخخخخخخخخخخخ



اتنمى النكات تكون عجبتكم والف شكر


نكــات رباطاب.. (ضحك للطيش)..
....