موسوعة النكت السودانية مع اكثر من 10000 نكتة

واحد شايقى ادوهو بيتين فى الجنة .. اجر واحد وباع التانى ومشى سكن مع عزابة فى النار يوم القيامة كل السودانين واقفين صف سالو جعلى قالو ليهوو تمشى النار ولا الجنة قال ليهم الشوايقة مشو على الجنة ولا النار سالوه لية بتسال قال عشان الشوايقة حتة مافيها مصلحة مابمشوها داير تعزب شايقى قطع قروش قداموا شايقي دخل الجنه وفجاه اختفي ...! لما فتشوه لقوه بكب في بنزين لي ناس النار شايقيه قالت لي امها : راجلي اتاخر خايفه يكون عرس علي قال ليها يابت اتفائلي خير يمكن طقشتو عربيه قال ليك في في جعلي وشايقي راكبين المواصلات بعدين الجعلي متضايق من الشايقي ضيق شديد خلاص، الكمساري بنبه في الركاب قال: محظة الدايات في زول نازل؟ الشيقي قال ليو ايوه نازل ، الجعلي عاين ليهو كدا وحمر ليهو قال ليهو : في زمتك دي محطة ينزل فيها راجل.. قال ليك شايقى بخيــــــــــــــــــــــــــــــــــــل بيته اتحرق .. اتصل بالمطافى ، خت ليهم مس كول قال ليك شايقى لئيم لاااامة .. مشى مقابر الجعليين .. وشغل المسجل بصوت عالى ، باغنية .. الدنيا حلوة شايقي متعود يمسك الكشف في المناسبات ويضرب منها يوم وفاة ابوه جاب ناس الهدف شايقى وجعلى ورباطابى حكمو عليهم بالاعدام وادوهم 3 طرق للتنفيذ شنق حتى الموت كهرباء ورمى بالرصاص الحعلىقنعان قالهم اشنقونى 3دقايق جابوهو الواطه الرباطابى قالهم كهربا ركبو السلوك الكهرباء قطعت عفوهو مشى الشايقى مفترض يستغل الفرصة قالهم رمى بالرصاص اهلو بقولو ليهو كهربا كهربا قالهم قالولكم قاطعى قاطعى واحد شايقى جاتو رسالة حلوة فى الموبايل ضحك و قام اتصل بالراسل قال ليهو: عليك الله كان ما رسلتها تانى ........
شـايـقى واقـــف في بص شـاف بنت قـاعـــدة قـام عاين ليها . عــاينت ليه أبتـــسم ليها أبتســمت ليه غمـــز ليها . غمــزت ليه. أشـــــر ليها علي المحطة نزلت . . . قعـد محلــــــــــــــها !!! حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو قال ليك واحد دخل قرية الرباطاب وفي طرف الحلة كده لقي لية واحد صغير قام سألة اسمع عندكم موية قام قال لية نان شجرنة ده قايم بي التيمم رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن رباطاب بحفرو في قبر مرّ بيهم الجنوبي البتعلم في العربي قال ليهم البكاء ده هنا ولاخبر من البلد قالو ليه خبر الا جينا ندفن التلغراف مسطول سألوه قالو ليهو إنت الثعلب دا بيلدا ولا ببيض قال ليهم والله ياااااخي الثعلب دا مكار وما مضمون مره كدا ومره كدا مساطيل حضرو ليهم حادث انقلاب بوكسي بقى واحد فيهم يمسك الزول ويقول ليهو 1+1 كم وطاخ...يديهو كف 1+1 كم وطاخ.. كف المسطول التاني عاين ليهو كويس وقال ليهو هوي ما تكفتن ساي يمكن بليدين مسطول إتقدم لواحدة سمينة جداً ,, أبوها قاليهوا : مبرووك ...... بس عاوزين قولة خير 10 مليون المسطول قال ليهو : أسمع ياحاج إنت ضربت لى الكيلو فى كم ؟ مسطول عنده سته اولاد جابو ليهو السابع سمى نفسو (سفن اب)... عسكرى مرور مسطول لقي بيتو ضيق عملو اتجاه واحد. واحد بيسطل مع مرتو في البيت، الباب دقه قالت ليهو: سجمي راجلي جاء قام تلب بالحيطة قالو في مسطول مرتو ماتت اهلها قالو ليهو خلاص نديك اختها قال ليهم انتو نسابه ولا شركه تامين قالوا في واحد زار صاحبا ليهو بعد غياب 20 سنة فالصاحب اخده معاهوا البيت عشان يتغدى ويعرفوا على المدام والاولاد المهم وصلوا البيت واول ما المدام هلت شبكها تعالى حبيبتى اعرفك على فلان ...بعد شوية ياحياتى ممكن تحضرى الغداء..وبعديها يا روحى ممكن الشاى.....!!! يازول صاحبه انبهر وقال ليهو ماشاءالله 17 سنه زواج ولسة بتقول يا روحى وياحياتى...!! قال ليهو ابدا والله ..كل الحكاية انه المده طالت ونسيت اسمها منو! واحد مسطول قال والله اليومين ديل من شدة الحر تفتح الباب تلقى الشارع قاعد في ضل الحيطة واحد مسطووووول كلو ما يلمس مكان في جسمو يوجعو مشا للدكتور لقا اصبعو مكسور حاجة مسطولة تسمع في كورة.. المذيع قال الكورة عند الثيردباك تأملت وقالت مما قمنا اللعيبة كلهم عجزوا واعتزلوا الا ثيرد باك ما بعجز ولا بعتزل سمسار أراضي مسطول مشى يخطب واحدة، أمها قالت ليهو: مهرها 100 مليون رد: ليه ناصية؟ مسطول مرتو قالت ليهو وأنا بصلي الكديسة أكلت عشاك قمت دقيتها قامت جارية، قال ليها: ما مشكلة بكرة بجيب ليك كديسة تانية فى مسجل الحافلة فجأة شريط المسجل وقف المسطول سأل الراكب جنبو: اسمع يا أخي وداللمين ده نزل ولاشنو؟ اتنين مساطيل قاعدين في برندة عاملين بالسجارة ون تو (واحد يشيل نفس و اديها للتاني) لما السجارة طلعت في النخاشيش وكدا واحد شاف الزنكي بتاع السقف بمشي و بجي زي بندول الساعة فسأل التاني و قال ليهو انتا الزنكي دا بمشي و بجي كدا مالو؟؟ قال ليهو شغال اوضة و برندة واحد مسطول راكب امجاد ركب جنبه واحد شايل فرشة بوهية وفرشة نقاشة ,و المسطول ساله قاليهو ؛ انتا شغال شنو ؟ الراجل قاليهو ؛ شغال نقاش ,, المسطول قاليهو ؛ طيب انقشنى انا منو ؟ ليه الواحد لما يعاين ليك بتجيهو نفسيات؟ غايتو انا تاني ما حاوريك وشي خالص [مسطوله بتتكلم مع المرايا] مسطول ابوه اتوفي وكان ما معاهو اي زول غير صاحبو المسطول معاهو .. الاتنين ما بعرفو يغسلو الجنازة صاحبو قال ليهو : مافي حل غير ( نشوف لينا واحد من البغسلو العربات ديل ) مشوا لي واحد طلب منهم عشرين الف قال ليهو ( لييييييييييييه ياخ مغسل مرسيدس ) رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين مرة استاذ مسطول بكتب في امتحان رياضيات قام كتب سائق يسوق بسرعة 1500 كلم في الساعة فما اسم السائق مسطــــــــــــول ماشي وراء وحدة فكر يقول ليها حاجة يشاغلها قال ليها : ا لحلوة وراها مشوار؟ قالت ليهو: الحلوة وراها .........حمااااااااار مسطول فتحو محطة بنزين جنب بيتهم..... قال: اخيراً الواحد يقدر يكب بنزين كداري سواق أمجاد راكب جنبو واحد سمـــــــــين لدرجة انو ما قادر يسوق، في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء واحد طلب من مسطول سيجارة عيدية فى عيد الفطر المسطول قال ليهو السجارة كان بدوها عيدية كان ختوها في علبة الحلاوة مسطول دخل يدو في مويه نار مرقا لقاها مافي.. دخل رأسو يشوفا مشت وين مسطول ضرب تلفون ردوا علية قال ليهم دة منزل صلاح قالوا لية لا قال ليهم طيب رافعين السماعة لي واحد ضرب تلفون رد علية مسطول ,قال لية انت من اهل البيت؟ رد المسطول: لا من كفار قريش رباطابي قاعد في مطعم كلما يجي زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال: يااخونا حلتك دي فيها ادراج ولاشنو .................................................. ........................................ رباطابي عنده فرن جاهو مسكين قال ليهو: لي يومين ما ضقت طعم الرغيف الرباطابي قال ليهو: ياهو طعمو زاتو ما اتغير .................................................. ........................................... رباطابي راكب القطر وجالس جنبو واحد شايقي كل ماتجي محطة يقيف ويقول دي ما ابوحمد؟ قاصد محطة الرباطابي... وعمك ماسائل فيهو كرر الحكاية عدة مرات وبرضو عمك ماهببو ليهو واخيرا جات محطة الرباطابي ولملم حاجاتو واستعد للنزول فقال ليهو الشايقي: دي ابوحمد؟ الرباطابي قال ليهو: لا دي ابوظبي انزل اشتغل .................................................. ............................ قالوا رباطابي ولده أتفلق في راسه .. وكان الوقت ليل ساقو وراح العيادة الدكتور عاين ليه كده وقال ليه: كان تجي بدري شوية ياحاج .. الرباطابي قال ليه: بدري متين قبل مايتفلق . .................................................. ................................... قالوا واحد سافر لابوحمد واول ما نزل من القطر لقى شافع رباطابي بيببع في ليمون قام قال ليهو: يا ولد ليمونك ده فيهو موية قام الشافع رد عليهو بسرعة: نان قالولك ساقنو بالتيمم .................................................. ............................... قالوا واحدة من حريم الرباطاب كانت بتبيع زلابية وطعمية للركاب في محطة ابوحمد بعدين الايام ديك شغلوا القطر الاكسبرس وكان ما بيقيف في اي محطة المهم الحاجة دي القطر جا ماشي فيها بووووو... وماباعت اي حاجة وقامت رجعت البيت قام الراجل قال: ان شاء الله بعتي كويس الليلة قامت ردت قالت ليهو: بعت شنو الشئ ما جا ماشي فيني زي ترجمة الفلم الاجنبي .................................................. .................................................. .... قالو فى واحد رباطابي راكب القطر و شايل ديك واحد سالو: ماشي تبيعو قالو: لا ماشي اغير نغمتو .................................................. .................................................. .. ولد رباطاب سألوه في المدرسة .. قالوليه: ابوك عمرو كم؟ ..... قاليهم : و الله ما عارف لكن طول معانا .....!!! .................................................. .................................................. .............. مرة في واحد رباطابي جاء الخرطوم لزواج وفي الغداء هو بحب اللحمة شديد المهم مركز في الصواني وعايز يختار واحدة تكون فيها ضلعة كبيرة كل ماتطلع صينية يشوفها يلقاها رقبة البعدها برضو رقبة البعدها برضو رقبة المهم حوالي عشرة صواني وبرضو رقبة قال ليهم: ياجماعة انتو ضابحين زرافة ولا شنو .................................................. .................................................. ... قالوا فى جماعة بحفروا فى المقابر وعنقريب الجنازة جنبهم قاليك جا واحد مارى وقال ياجماعة انشا الله خير بتحفروا مالكم.. الرباطابى رد عليهو: قال ليهو خير .. بس بنطلع فى صارقيل .................................................. .................................................. .. رباطابي مرتو قالت ليهو اشتري لي قميص نوم قال ليها ليه: اللابسا دا مساهر بيك؟ .................................................. ................................................ رباطابي جاء الخرطوم لحضور زواج وكان متوقع في العشاء مالذ وطاب من الصواني الكبيرة زي مابيحصل في البلد المهم وقت العشاء عمك جابو ليهو صحن ورق وحاجة باردة وبعد ما اكل لمو منو صحانة الورق .. الرباطابي قال ليهم العرس زي امتحان الشهادة جابو الورق ولمو الورق .................................................. .................................................. .... قالوا رباطاب قاعدين يحفروا في قبر في المقابر .. جاء واحد قال ليهم السلام عليكم قالوا ليه عليكم السلام .. قال ليهم خير مالكم .... قالوا ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح بتحفروا ليه .. قالوا ليه: دايرين ندفن التلغراف . .................................................. .................................................. . قطار الوحدة كان قطر سريع بين الخرطوم وعطبرة له راسين يصل عطبرة .. و يقلب علي طول للخرطوم الرباطابي شاف القطر قال ليهم: دا شنو الزي شريط الكاسيت .................................................. .................................................. ... رباطابي قالوا له الدابي لمن يعضي زول بخلي سنونو في مكان العضة.. قال ليهم: طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت ليهو سنون تاني.. قال ليهم: هو دابي ولا دباسة؟ .................................................. .................................................. حمار اتعود يحك راسو بشباك فصل في مدرسة.. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟ رد عليهو تلميذ رباطابي: والله ما بجي إلا في حصتك يا أستاذ <table id="post76103" class="tborder" align="center" border="0" cellpadding="6" cellspacing="0" width="100%"><tr valign="top"><td class="alt1" id="td_post_76103" style="border-right: 1px solid #FFFFFF"> فقير مريض قصد الطبيب سأله بعد الفحص:....شنو مرضى؟؟رد الطبيب وقال ليهو :فقر الدم ..!! رد المريض وقال:هو لحقنى لحد هنا كمان؟؟ طالب في المدرسة ابوه وعده عشان يضبح ليهو خروف لو نجح فى الامتحان وجاء يوم توزيع الشهادات ...و لما رجع الطالب للبيت ..ابوه ساله ها...بشر؟؟قال : الله وسبحانه وتعالى كتب للخروف عمر جديد مدرسة سالت طفل :: ما اسم أمك ؟ فأجاب الطفل: لا أعرف فالجيران يسمونها _مدام_. وابوى بسميها _حياتي_. وأنا أسميها _ماما_ حيرونا والله </td> </tr> <tr> <td class="alt2" style="border: 1px solid #FFFFFF; border-top: 0px"> </td> <td class="alt1" style="border: 1px solid #FFFFFF; border-left: 0px; border-top: 0px" align="right"> </td></tr></table> القاضى سال المتهم بقتل شخص : ليه قتلت الرجل بالسكين؟ فقال: ظروفي صعبة، وما بقدر اشترى لى مسدس دخل راجل فى بيته واتفاجأ بلص بيتفرج فى مباراة الهلال والمريخ فى الصالة ..الراجل مسكه من رقبته وساله :انت مين؟؟؟ الحرامى قال ليهو : أنا لاعب مطرود. ًالأول: هل تعرف (بيتهوفن) ... الثاني: وهل أعرف (هوفن) عشان أعرف بيته كمان ؟؟ واحدة سالت خدامتها : ان شاء الله تكون نظفتى الثلاجة أثناء غيابي؟ قالت الخادمة:طبعا ! وكان كل شئ لذيذاً الأول:وين بختفى القمر آخر الشهر؟ الثاني:يمكن بمشى عشان ليستلم راتبه!! الصديق لصديقه:أنا أحلق 4 مرات في الشهر . و أنت ؟ فقال: أنا أحلق ألف مرة في الشهر!! الأول: أنت مجنون والا شنو ؟ قال ليهو : لا .. أنا حلاق! تزوج جحا بامرأة اسمها سعيدة فقالت له:أنا سعيدة بك يا جحا.... فتعجب و قال لها:أنا جحا بك يا سعيدة لاحظ سجّان أن أحد السجناء لا يزوره أحد ، فسأله : ما عندك قرايب بسالو عنك ؟ رد : كلهم هنا الأول :نصحني الطبيب بأن أكثر من تناول الثوم و البصل حتى ينقص وزني الثاني :و هل نقص وزنك؟ الأول : لا... نقص عدد أصدقائي قالو جعلي وشايقي جيران الشايقي عندو خروف مسميهو الجعلي شابكو ليك الجعلي اكل البرسيم الجعلي ربطتو الجعلي مرق جيبو وكدا يوم الخروف طلع من البيت مسكو الجعلي شلخو ليك شايقي ورماهو ليهو بالحيطة مرت الشايقى دقت مرت الجعلى الجعليى زعل قال لى الشايقى الفى النسوان اتعرفت تعال لى انتا مارق جاى قالو شايقيات جن من البلد جداد كرت جاهم لوتري ماشات يتصورن قالو للمصور عايزين صور قام دخل الاولي صورها لما طلعت اخواتا سالوها : يا ام الخير عليك النبي حارة؟ جعلي عجوز شافوهو جماعه شايل عكازو وقاعد سألوه عكازك ده بضرب قاليهم مافيهو رصيد الا بيعمل مسكول فوق راس شايقي جعلي عاجباه نفسه يعني ما راضي بي الناس التانين قام عمل ليه فرن .. يبيع عيش الجماعة كل واحد حلف ما يشتري من الجعلي كل يوم العيش باير ... في يوم جاء شايقي ... وراح الفرن عشان يشتري عيش .... قال لي الجعلي : هاك اديني بي الف جنيه عيش .. الجعلي قال ليه : يا شايقي يا مغفل اسع أخلي الناس الوراك ديل كلهم واقفين في الصف وأخرب النظام وأديرك عيش أنت أمشي أقيف ورا في الصف الشايقي عاين ورا ما لقى زول وراه وبس هو الوحيد الفي الصف .. قالوا طيب ... الليله الجعلي ده بنجموا ليكم ... مشى وقف في الصف وبدأ يزح كأنه واقف في صف حقيقي .. لحدى ما وصل محل البيع قال لي الجعلي هاك أديني عيش بي الف جنيه الجعلي أخد القروش ودنقر عشان أدي الشايقي العيش ، قام الشايقي بكل قوه ضرب الجعلي في ضهروا .. الجعلي : لا حول ولا قوة ابن ..................... ده الضربني .... وعاين لي الشايقي قام الشايقي قال ليك يا جعلي يا مطرطش أسع أنا أعرف الضربك منو وسط الصفوف ده شايقي شغال بنا فى ديار الجعليين يوم جماعة جعليين عندهم مناسبة التور فك وجاري دغري على الشايقي بنات الجعليين واقفين قالو نزعرد للراجل دا عشان يقوم يقبض الثور هم ما عارفنو شايقي الشايقي جاء جاري بي جمبهم قالهن ابشرن والله لى بكرة مايلحقني فار ساكن في بيت جعليين شايف الجعلي يوميا هارش جارو الشايقي الفار ما كضب مشي دقا باب الشايقي لما فتح ليه الباب قال ليه : امرق لي كديستكم دي لا برة الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها : الجعلي : ممكن اولع السيجارة ست الشاي شالت الجمرة بيدها وهي تقول : انا من جعلية المتمة .ومدهتها الي الجعلي ، الجعلي شال الجمرة بيده وولع السيجارة ورجع الجمرة الى ست الشاي , وبحركة سريعة شال الكفتيرا من النار وقعد في نص الجمر وقال ليها قلتي من جعلية وين .؟ حدث حريق في المنزل رقم 12 مربع 15بأحد أحياء مدينة سودانية ، اتصل صاحب المنزل بالمطافئ ولشدة ارتباكه ذكر لهم العنوان منزل 15 مربع 12 ، بالطبع ذهبت المطافى إلى منزل آخر ، لم يجدوا حريقا ، قرعوا الباب ، أتاهم صاحب المنزل وكان جعليا : مرحب حبابكم ، اتفضلوا ، عل ما في عوجة ؟ قال له رجل الاطفاء في حريقة هنا ؟ أجاب الجعلي لا فقال رجل المطافي : طيب نرجع و نشوف الاتصل دا منو فقال الجعلي : علي الحرام ماترجعو ... أدخلوا ... وصاح مناديا زوجته :يااااااامرة ............ أحرقي الراكوبة. شايقي لافى فى غابات الجنوب فجاة نطة ليه اسد الشايقي بالخلعة قبض اضنين الاسد و ثبتة و الاسد يحاول يتفك من الشايقي عشان يفترسة و الشايقي تعب من مصارعة الاسد و بعد شوية ظهر و احد جعلي الشايقي قال للجعلي تعال امسك اضنين الاسد و ثبتة عشان اطلع السكين و اذبح الاسد الجعلي استلم الاسد و الشايقي مشى بعيد يغنى و ماشى الجعلي تعالى ياالشايقي امسك الاسد بتاعك ده .. الشايقي فكوا انا مشترى بقروش...... شايقى اتصل هاتفياً بشايقى صاحبو كيفك ياعبود الحمد لله كيف الأولاد بخير وكيف السنه دى الزراعه والله تمام ورصيدك كيف قال ليهو قلت شنو ماسامعك ؟ فى اتنين شـــايقى وجعــلى حكمــوهــــم بالأعـــــدام . يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو . الشايقى حنين نط قدام الجعلى قاليهم انا عاوز أشـــوف أمى . وأنت يا الجعلى داير شنو ؟؟ قاليهم الشــايقى دا ما يشوف أمــــو شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟ شايقى الحريقه قامت فى بيتو عمل مس كول للمطافى سته جعليين غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو شايقى مغترب فى الخليج عشرين سنه رجع السودان لابس العقال الخليجى وركب التاكسى واللسان خليجى تب قال لى بتاع التاكسى الله يرضى عليك أبقا الثوره وفى الطريق الونسه كلها باللهجه اسعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى العفش تبعى هذا ( العفش) ولما نزلو قال للتكاسى كم يسوى المشوار قال ليهو خمسين ألف ورد صاحبنا بلهجة الشايقية فى شنو ؟ تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معتدتي دايرة تهضمي لا الدنيا راضية ارجعه ليها تاني شايقي وجعلي ماشين في شوارع الخرطوم ، الجعلي قال للشايقي: عندكم شايقي سموا ليهو شارع من شوارع الخرطوم بإسمو ؟؟ الشايقي: لا والله. الجعلي : شوف الشارع ده إسمو شارع المك نمر. الشايقي: بالله هو ده الجراااابو واحد نام متأخر لقى الحلم بادي واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان عربى مسافر بالباص أول مرة قام الباص انقلب والناس بقت زى الطماطم المعفصة الا العربى دة قام يتنفض وداير يلبس مراكيبه ويمشى قام جاهو البوليس قال ليه يا زول انت كنت فى الباص الاتقلب دة قام العربى قال ليه هو الباص اتقلب ؟ قام البوليس قال ليهو ونان انت قايل شنو ؟قام العربى قال ليهو والله أنا قايل لمن يصلوا بكبوهم كدى واحد عرابى جا الى الخرطوم , وقم ولده سالقو الكوفير. وفى الكوفير لقى تمثال لابس ملابس للعرض سلم عليه ولده قال ليه يابوى دا تمثال ولما جاوا مارقين لقى خواجا قاعد فى كرسى وعنده صلعة قام العربى ضربه فى الصلعة وقال يا ولدى دا ما فضل ليه الا الكلام مرة سافر اثنين حلفاويين إلى نيويورك وسكنوا في عمارة 200 دور في الدور الأخير وكانو دائما يصعدوا على السلم لجهلهم إستخدام المصعد فقرروا في يوم من الأيام أن يذهبوا إلى السوق لشراء متطلبات الأسبوع من الأكل لتفادي التعب وعند رجوعهم إلى البيت وهم يصعدوا كانوا يعدو الطوابق حتى الطابق 199 عندها قال واحد منهم للتانى: اوثمان( يعنى عثمان) عندي لك خبرين واحد زين والثاني مو زين. قال له الثانى هات أخبارك. قال الاول: الخبر الزين انه فاضل لنا دور و نوصل و الخبر اللي مو زين العمارة موش بتاعنا !!! واحد سأل الثانى: وين بتشتغل ،قال الثانى : والله انا عاطل ،قال الاول : كويس .. أخير من قعاد ساكت قالوا في واحدة جنها تلبس اسكيرت ابو خطوة وحبوبتها ماراضية.يوم البت قالت لحبوبتا ارح الحديقة الحبوبة قالت ليها باسكيرتيك دا ماماشة الا تخيتيهو البت قالت يا حبوبة دي الموضة. وهم ماشين في الحديقة جا ولد ماشي وقال للبت شرط .الحبوبة قالت ليها ماقلت ليكي خيطيهو في واحد اعور غمز للبت بعينو الكويسة قام دقش عمود الكهربا واحد جعلي وشايقي قالوا لي بعض الليلة نتباطن الجعلى قال ليهوا انا اول بعدين الشايقي نزل في الجعلى جلد لحدي وصل عشرة بعدين لمن جاء دور الشايقي الجعلي رجع لى ورة ورفع الصوت فوق شديد ومن اول صوت الشايقي قال تسعة مرة واحد مسطول قاعد جنب موية المطرة ومبسوط جداً من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل ممكن أعدي ؟ ورد عليه المسطول طبعاً مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد عليه المسطول والله حسي دي جات بطة مشت عديل واحد موظف حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا قال ليك البت جنها غنا و ابوها حارقاهو الشغلانة دي خالص يا بت ماتغنى وزولتك مطنشاه و تغنى ساكت قام ابوها اشتكا لجدها يا ابوى البت دي جننتى طول اليوم تغى تغنى ابوهو قاليهو يا ولدي خلها التغني مادام فى البيت المهم العربى رجع بيتو لقى البت تكنس فى الحوش و شغالة غنا ساى " جيتو وما لقيتو و جاني ما لقانى ..جيتو وما لقيتو وجاني و ما لقانى" و قال ليها ابو ها و هو ميت من الغيظ هسة يابت لو قلتى اتعقبنا ساي ما كان اخير زمان كان البورة للبنات بس لكن هسة البورة لاتنين (للبنات وللمغتربين في السعودية) والله لينا في واحد كان راكب الحافلة والحافله خلاص اتملت ومافي مكان وعمناده كان راكب مع الباب بعدين جاء واحد شاب وقال ليه يا حاج الحافله دي ماشه وين قال ليه يا ولدى اسى لو قلنا الحافله دى ماشه بيتكم بتركب وين. قالوا واحد كضاب جدآ قاعد يسكر مع جماعة .. الجماعة ديل فيهم واحد سلف الكضاب دة قروش و الكضاب رافض يرجعها ليه .. أها الجماعة قاعدين الكضاب قال ليهم : " و الله مرة حصلت لى قصة غريبة جدآ .. يوم كنت ماشى فى الصحراء ، قام "......طلع لى أسد ، جريت طلعت لى فى شجرة قريبة قبل ما يتم كلامه الزول البكرهه داك قاطعه :" ياخى خلى الكضب .. شفتوا ليكم شجرة "! فى صحراء.. ؟ الكضاب زعل ، لكنه كتمها و قال ليهم : " الحقيقة القصة هى إنه أنا كنت ماشى فى الصحراء ، قام طلع لى أسد ، جريت طلعت ".........لى فى عمود نور .. الزول داك تانى قاطعه : " برضو كضاب "ياأخوانا شفتوا ليكم عمود نور فى الصحراء ؟ الكضاب هاج و وقف على حيله و ضرب القزازة كسرها و قال للزول :" ياخى أسمع .. أنا كنت ماشى فى الصحراء .. قام طلع لى أسد .. أكلنى عديل كدا .. و دينك العلى دا الله ريحنى منو

مجهود عملاق الى الامام لتطوير المنتدى الرائعششششششششششششششششكرا

» الصحف السودانية
» اجمل اشكال الحنه السودانية
» العادات والتقاليد السودانية
» رابط مباشر من وزارة التربه والتعليم السودانية